Vekstspurt er rask høgdevekst i byrjinga av puberteten.

Faktaboks

Også kjend som

innhentingsvekst

Hos jenter startar vekstspurten ved fysisk alder (skjelettalder) omkring ti år. Den årlege tilveksten når eit maksimum før den første menstruasjonen (menarken), omkring tolvårsalderen – då kan tilveksten vere opptil elleve centimeter. I året etter menarken aukar høgda til jenter med gjennomsnittleg seks til sju centimeter.

Hos gutar kjem vekstspurten eit par år seinare enn hos jenter, og han når også maksimumet sitt eit par år seinare, det vil seie gjennomsnittleg omkring 14-årsalderen. Vekstspurten kan då vere tolv centimeter eller meir på eitt år.

Pubertetsutviklinga varer i cirka fire år, og då er tilveksten stort sett avslutta.

Innhentingsvekst

Innhentingsvekst er den raske tilveksten som kjem etter læking av ein langvarig sjukdom, til dømes cøliaki.

Les meir i Store norske leksikon

Eksterne lenker

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg