LEON er eit administrativt prinsipp om at undersøking og behandling av pasientar skal gjennomførast på lågast mogleg omsorgsnivå i helsetenesta. I praksis betyr dette til dømes at pasientar som kan varetakast forsvarleg på eit lokalsjukehus, ikkje skal visast til eit regionsjukehus utan at dette blir grunngitt fagleg.
Faktaboks
- Etymologi
-
forkorting for lågaste effektive omsorgsnivå
I tråd med dette prinsippet skal kommunehelsetenesta vera basis for dei andre ledda i helsetenesta og ta seg av størstedelen av helseproblema i befolkninga.
LEON-prinsippet blei lansert i Stortingsmelding nr. 9 (1974–1975), Om sykehusbygging m.v. i et regionalisert helsevesen.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.