prevalens

Prevalens er talet på personar som har ein viss sjukdom, funksjonshemming eller risikofaktor i ei gitt befolkning på eit gitt tidspunkt eller innanfor ein gitt tidsperiode. Eit døme er talet på personar som har diabetes type 1 per 10 000 innbyggjarar i aldersgruppa 0–20 år 1. januar 2017.

Faktaboks

Uttale
prevalˈens
Etymologi
av latin praevalentia, ‘overmakt’

Prevalensen er viktig å kjenne til når ein til dømes skal planleggje behandling for ei pasientgruppe. Eit nærståande omgrep er insidens, som er talet på nye sjukdomstilfelle eller dødsfall i løpet av ein bestemt tidsperiode, til dømes eit år, dividert med talet på personar i befolkninga.

Les meir i Store norske leksikon

Kommentarer

Kommentaren din publiseres her. Fagansvarlig eller redaktør svarer når de kan.

Du må være logget inn for å kommentere.

eller registrer deg