Pseudoallergisk reaksjon er ein allergiliknande reaksjon utan dei immunologiske mekanismene som er grunnlaget for ein klassisk allergisk reaksjon.

Mekanismen er frigjering av histamin, proteasar og kjemotaktiske faktorar frå mastceller og basofile granulocyttar av andre årsaker enn binding av allergen til IgE-antistoff på overflata av cellene. Mekanismen er altså ikkje ein allergisk immunreaksjon, og kan vere kjemisk eller farmakologisk,  eventuelt komplementfaktorane (anafylatoksina) C3a og C5a.  Dei komplementmedierte pseudoallergiane blir og kalla Komplement-AktiveringsRelatert PseudoAllergi (CARPA).  Ymse medikament kan gje pseudoallergiske reaksjonar.

Symptoma kan variere frå mild rødme og varmekjensle til livstruande angioødem, bronkospasme med astmasymptom,  og blodtrykksfall (anafylaktoide reaksjonar). Reaksjonane kan komme ved første gongs kontakt med eit stoff, fordi det ikkje er nødvendig med noen  immunrespons først. Symptoma kan bli lettare ved gjentatt eksponering. 

  

Foreslå endringer i tekst

Foreslå bilder til artikkelen

Kommentarer

Har du spørsmål om eller kommentarer til artikkelen?

Kommentaren din vil bli publisert under artikkelen, og fagansvarlig eller redaktør vil svare når de har mulighet.

Du må være logget inn for å kommentere.