sensibilisering

Bjørkerakler er kilden til bjørkepollen, som det er vanlig å være allergisk mot.

Bjørkerakler

Av Per Harald Olsen/NTNU.

Lisens: CC BY SA 3.0

Artikkelstart

Sensibilisering er utvikling av allergisk immunrespons mot eit stoff, for eksempel mot eit legemiddel eller noko frå miljøet rundt oss, som pollen, kjæledyr eller mat. Seinare kontakt med det aktuelle stoffet kan føre til ein overfølsomheitsreaksjon, som ein ikke ville fått før sensibiliseringa fann stad. Allergisk sensibilisering betyr at immunsystemet er blitt sett i beredskap til å reagere mot noko det normalt ikkje skulle reagere mot.

Faktaboks

Etymologi: av latin sensibilis, ‘følsom’

Sensibilisering og allergi

Å vere sensibilisert er ein nødvendig føresetnad for å få ein allergisk reaksjon, men det er ikkje nok. Ofte vil sensibiliserte individ, altså menneske som reagerer i ein allergitest, likevel ikkje ha symptom på allergi. Det allergitestane måler, er berre sensibilisering, og ikke om ein har symptom på allergi. Reaksjon i ein allergitest ('positiv test') betyr derfor ikkje alltid at ein er allergisk, men berre at ein er sensibilisert. Risikoen for å utvikle ein allergi er likevel gjerne auka om ein er blitt sensibilisert.

Allergidiagnosen krev at ein har ei sjukehistorie som fortel at ein verkeleg får allergi-symptom ved kontakt med det aktuelle stoffet. Ein må få merkbare symptom på allergi for å vere allergisk, det er ikkje nok for allergidiagnosen å ha ein 'positiv' allergitest.

Les meir i Store norske leksikon

allergi

Kommentarer

Kommentaren din publiseres her. Fagansvarlig eller redaktør svarer når de kan.

Du må være logget inn for å kommentere.

Fagansvarlig for Allergologi

Martinus Løvik

Professor emeritus, NTNU – Norges teknisk-naturvitenskapelige universitet