Farang er ei folkeleg nemning på ein epidemi av ein smittsam sjukdom, ofte òg kalla omgangssjuke. Nemninga blir oftast brukt om smittsam infeksjonssjukdom i mage-tarmkanalen.
Faktaboks
- Uttale
- fˈarang
Eit typisk døme på ein farang er ein akutt magetarminfeksjon eller gastroenteritt. John Zahorsky (1871–1963) beskreiv desse meir systematisk i 1929 og kalla dei «hyperemesis hiemis», eller «winter vomiting disease». I dag veit vi at desse blir forårsaka av rotavirus, norovirus og andre virusartar. Rotavirus er det viktigaste på verdsbasis, og WHO tilrår vaksinasjon mot dette, særleg i Søraust-Asia og Afrika sør for Sahara.
Opphavet til ordet er usikkert, og det finst ikkje finst noko tilsvarande ord på svensk eller dansk. Ein kan tenkje seg eit samband til farsott som omfattar både fare og sjukdom.
Kommentarer (4)
skrev Aksel Bjørnstad
svarte Geir Sverre Braut
svarte Geir Sverre Braut
Kommentaren din publiseres her. Fagansvarlig eller redaktør svarer når de kan.
Du må være logget inn for å kommentere.