Helseføretak er ei samlenemning på regionale helseføretak (RHF) og helseføretak (HF), som vart oppretta etter at staten tok over ansvaret for spesialisthelsetenesta frå fylkeskommunane 1. januar 2002.
Faktaboks
- Også kjent som
-
helseforetak
Verksemda til regionale helseføretak og helseføretak blir regulert av helseføretakslova av 2001. Ved staten si overtaking av spesialisthelsetenestene var det 47 helseføretak i Noreg. Talet på føretak har sidan gått ned: I 2006 til 34 helseføretak, i 2014 til 28 helseføretak.
I 2019 er det 20 helseføretak som driv med sjukehustenester. I tillegg er det til saman ti føretak som yter støttetenester i dei ulike regionale helseføretaka og seks som yter fellestenester på nasjonal basis, til dømes transplantasjon.
Dei helseføretaka som er eigde i fellesskap yter mellom anna felles innkjøpsservice, luftambulanseteneste, pasientreiser, nødnett og IKT, og står dessutan for bygging av sjukehus.
Kommentarer
Kommentaren din publiseres her. Fagansvarlig eller redaktør svarer når de kan.
Du må være logget inn for å kommentere.