intoleranse

Intoleranse tyder i medisinsk språkbruk oftast reaksjonar mot matvarer og medikament på grunn av ein mekanisme som ikkje har å gjere med allergi. Det vil seie at binding av allergen til IgE-antistoff ikkje er ein del av mekanismen for intoleranse-reaksjonen, og at immunsystemet heller ikkje på annan måte deltar. Mekanismane for ein intoleranse er ofte ukjende, slik at diagnosen blir ein eliminasjonsdiagnose. Det vil seie at ein må utelukke alle andre sjukdommar som kan gje liknande symptom.