RIST er ein metode tidlegare brukt til å måle konsentrasjonen av immunglobulin E (IgE) i blodserum. RIST står for RadioImmunoSorbent Test. Metoden nyttar radioaktivt materiale (radioimmunoassay).

Faktaboks

Etymologi
forkortelse for engelsk Radio Immuno Sorbent Test

RIST er no i det vesentlege avløyst av metodar som ikkje nyttar radioaktive reagensar, som ELISA (enzyme-linked immunosorbent assay) basert på fargestoff eller fluorescens.

Mengda av IgE i serum er auka ved atopi og allergiske sjukdommar med Type 1 hypersensitivitet, og spesielt ved atopisk eksem. Konsentrasjonen av IgE i serum uansett spesifisitet, total-IgE, har likevel lita eller inga rolle i allergidiagnostikken.

Total-IgE er også auka ved mange parasittinfeksjonar.

RAST (radioallergosorbent test) er ein liknande teknikk der ein måler konsentrasjonen av IgE-antistoff som reagerer med spesielle allergen (spesifikt IgE). RAST var tidlegare viktig ved laboratoriemessig utgreiing av allergi, men også RAST er i hovedsak erstatta av nyare metodar der ein ikkje brukar radioaktivt materiale.

Les mer i Store norske leksikon

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg